İki “qadın”

11biogenbus08

Baxdı..avtobusda qarşısında oturan qadına baxdı. Gözəl idi…qara saçları, mavi gözləri, balaca burnu, gül rəngində dodaqları, ağ əlləri, boyalı dırnaqları … Şüşədəki öz əksi dəydi gözünə bu zaman. Kim idi bu? Doğrudan da, özü idi mi? Ağarmış saçlar, dərd içində üzən gözlər, çatlamış solğun dodaqlar, qırışmış yaralı əllər, səliqəsiz dırnaqlar… Utandı özündən..bəlkə də özündən yox.., qızdan utandı, qızın gözəlliyinin altında əzilməkdən utandı… Çəkdi şüşədən gözlərini, ən azından bu gün, bu saat baxmaq istəmirdi öz əksinə,  çünki iyrənmişdi, bezmişdi artıq özündən…gözləri gözəlliyə həsrət idi, izləmək istəyirdi bu qızı… gözləri… Bu gözlər onda olsaydı…bənzəyərdi mi bu qıza? Ehh, yox, bu gözlər onun simasında sanki palçıq üzərinə düşən bir gülü xatırladardı… Bəs dodaqlar? … Yox… sonradan yenə solacağını, qırışacağını bildiyi halda bu dodaqları özündə xəyal etmək haqsızlıq olmazdı mı həmin o gül dodaqlara qarşı ?! Nə ehtiyac var idi , özünü məhv etdiyi kimi o dodaqları da məhv etməyə ?… Bu cür qəribə düşüncələrlə mübarizə apardığı zaman, bir anda qızın gözlərini öz üzərində hiss etdi…Çantasına baxırdı qız onun.. Sökülmüşdü və bu sökük qızı cəlb eləmişdi . Daha çox utandı bu zaman…əli ilə gizlətməyə çalışdı həmin yeri, amma nə fayda…yəgin indi qız qınayırdı onu, bəlkə də səliqəsizliyindən iyrənirdi hətta. İyrənməkdə haqlı idi, çünki özü də özündən iyrənirdi…Amma qınamaq – əsla ! Hansı qadın sökük çanta ilə küçəyə çıxmağa razı olar, əgər daha bir çantaya malikdirsə ?! Yox idi, malik deyildi … Zəng gəldi qıza bu an…telefonu da özü qədər gözəl idi… “Çatıram, əzizim..”  Əzizim… Necə də gözəl bir kəlimə idi…Əzizimm…Dəfələrlə öz-özünə təkrarladı…Əzizimm…Əzizimmm… Yeni bir kəlimə idi, bu, onun üçün… İncə kəlimə idi, elə həmin bu qız kimi… və bu kəlimə məhz bu qızın dilinə yaraşırdı , səsinə yaraşırdı… amma ona…onun kobudlaşmış səsinə… “zəhrimar”dan başqa kəlimə bilməz dilinə…yaraşmırdı…yaraşmazdı!.. Gülünc qalardı bu söz onda…Əzizimmm..yox bir… Amma kaş bu gözəl kəliməyə yaraşan bir insan olsaydı… Ən azı “əzizim” qədər məlahətli olsaydı, incə olsaydı…Axı o da qadın idi… Nə fərqi var idi bu qızdan?  Eyni cinsin sahibləri bir-birindən necə bu qədər fərqli ola bilərdi axı?  

Ay arvad, ‘ Çuğuntökmə zavodu ‘ deyirdin bayaq. Buradı , düş.

… Və artıq başa düşürdü… Qadın olan o deyilmiş, qarşısındaki imiş. O, arvad idi… Fərq də elə məhz bu imiş …

5 thoughts on “İki “qadın”

  1. sevinclidunya December 11, 2016 at 4:11 pm Reply

    Maraqlı və düşündürücü yazıdır. Qadın olmaq çətindir, xüsusən də indiki zamanda. Qayğılar çox, problem çox, imkan və zaman isə məhdud. Heç kimi qınamaq düzgün deyil və bunu etməyən biri olduğum kimi indi də qınamayacam. Amma qadın güclü doğulub, güclü olmaq qadınların çoxunun boyuna biçilib və xoşbəxt, həm də əsl güclü qadın odur ki, onu heç bir çətinlik əyməsin, sındırmasın. Çiyninə düşən yükün ağırlığından asılı olmayaraq qadınlığını, xanımlığını qoruyub saxlasın. Bəzi qadınlar bunu dərk etməkdə çətinlik çəkirlər. Elə bilirlər ki, qarşı tərəfə nə qədər müti, aciz görünsələr, bir o qədər insanların qayğısın, şəfqətin görəcəklər. Yox, cəmiyyət yorulub deyərdim bu hallardan. Güclü olmaq lazımdır. Ən azından evində iynə-sap olmamış deyil onqadının, çantanın söküyünü tikə bilərdi…

    Liked by 2 people

  2. NGasimova December 11, 2016 at 4:38 pm Reply

    İndi isə dəfələrlə tikilib,amma yenə də sökülən çanta xəyal edin, tikilməkdən artıq macalı qalmayan və tikiş üçün yer qalmayan çanta …

    Liked by 1 person

  3. NGasimova December 11, 2016 at 4:43 pm Reply

    Ya da başqa sözlərlə ifadə etsəm, səliqə sevgidən qaynaqlanır müəyyən dərəcədə : həyata sevgi, insanlara sevgi, həyat yoldaşına sevgi, və ən əsası özünə sevgi… Əgər bu sevgi yoxdursa, başı “ər qapazı”ndan, pulsuzluqdan, uşaq problemlərindən,dərdlərindən açılmırsa, inanın ki, sökülən çantanı tikmək yada düşən bəlkə də ən sonuncu şey olar… Bir insan “qadın” olmağı unutmuşsa, “insan” olmağı unutmuşsa, deməli bu həyatda o yaşayan “ölü”dür… Və o “ölü” qadın həmin o qızda cənnəti gördü. Bir də bu cür düşünün.

    Liked by 2 people

  4. Sənət həyulası February 7, 2017 at 12:00 pm Reply

    Hadisələri müşahidə etmək və yəqin ki, çox adamın üzərində durmayacağı xırda şeylərdən analizlər çıxarmaq qabiliyyətiniz heyrətamiz dərəcədə əladır.

    Liked by 3 people

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: